Musica e speranza

Simme nat’ ajere ma già sapimme
ca pè campa’
ce vo’ ‘a scola d’a strada pè ce ‘miparà
E cercamm’ ‘o sole dint’a munnezza
pè ce scarfà
pecche ‘o friddo ‘mpietto cchiù male fa
Si ‘o dimane nun tene dimane
sapimme che ffa’
Nuje pè forza cacciamm’ ‘o curaggio
pè nun ce penzà
Si ‘a vita te mette paura
Si ‘a notte addevente cchiù scura
Socchiudi la porta del cuore
nu pizzeco ‘e luce a d’int”o core f’ascì
Nun te preoccupà ca nu quarto ‘e luna
sta sempre ‘lla
ca si alluongh”a mano t’ho può piglia
Mettimece a posto ‘a cuscienza
mangiammece pane e pacienza
La musica è vera speranza
e chesta speranza cchiù ricche ce fa.
Trase d’int’ e vicole d’e quartieri ‘e tutta città
e si pure tu staje scetate te fa sunnà
Senza casco ‘e vote affruntammo ‘a
morte pè scemità
Ce sta chi so metto pè ghi a sparà
Nun tenimm’e sorde pè nu gelato
che po’ scarfà
‘na guagliona bella pè ta vasà
Ma tenimme chi canta ‘e canzone
pa fa annammurà
Chi ce presta ‘na machina ‘a sera
né farla affaccià
Si ‘a vita te mette paura
Si ‘a notte addevente cchiù scura
Socchiudi la porta del cuore
nu pizzeco ‘e luce a d’int’o core f’asci
Nun te preoccupà ca nu quarto ‘e luna
sta sempre ‘lla
ca si alluongh’a mano t’o può piglià
Simme nate addo niente ce sta
da nisciune vulimme pietà
ma sti figlie dint’o fuoco ‘e l’inferno
nun vonno pazzià
e ‘sti mamme a paura d”a morte
nun ponne stutà.
E noi che stiamo qui
diciamo a tutta la gente
che della vita nostra o sa poco o sa niente
Guardiamoci negli occhi
e se una lacrima scende
nuje simme tal’e quale
pure nuje simme gente
Mettimece a posto ‘a cuscienza
mangiammece pane e pacienza
La musica é vera speranza
e chesta speranza cchiù ricche ce fa
chesta è ‘na canzona
ca zittu zittu cefa alluccà
E alluccammo che voce rotte
‘e chesta città.